పానకం

బెల్లం అరకప్పు
సొంపు పొడి ఒక స్పూను

బెల్లం కప్పుడు నీళ్ళలో నానబెట్టి వడకట్టి అందులో సొంపు పొడి కలపాలి.

వడపప్పు

శ్రీరామనవమి సందర్భంగా చేసే వడపప్పు

సెనగపప్పు కాని పెసరపప్పు కాని - 1 కప్పు
కారం పొడి 1/2 tsp
ఉప్పు చిటికెడు
క్యారట్ తురుము 1 tbsp
పచ్చిమిర్చి తురుము1/2 tsp
కొత్తిమిర తురుము 1 tsp

పప్పును గంట సేపు నానబెట్టి నీరంతా వడకట్టి అందులో కారం, ఉప్పు, క్యారట్ తురుము, పచ్చిమిర్చి తురుము,కొత్తిమిర తురుము మీకు కావలసినంత వేసి కలపండి. మామూలుగా ఐతే పప్పు లో కాసింత ఉప్పు కారం మాత్రమె కలుపుతారు.

కంది పొడి

కంది పప్పు - 1 కప్పు
ఎండు మిరపకాయలు - 6
జీలకర్ర 1 tsp
ధనియాలు 1 tsp
పల్లీలు 1 tbsp
నువ్వులు 1 tsp
కరివేపాకు 1 రెబ్బ
ఉప్పు తగినంత
నూనె 2 tsp
పోపు గింజలు 1/2 tsp

ముందుగా 1 స్పూను నూనె వేడి చేసి కరివేపాకు తప్ప మిగత వస్తువులన్నీ దోరగా వేయించి తగినంత ఉప్పు వేసి కాస్త బరకగా పొడి చేసుకోవాలి. తర్వాత మిగాతా నూనె వేడి చేసి పోపు గింజలు, కరివేపాకు వేసి చితపతలాదాకా ఈ పొడి కూడా వేసి కొద్ది సేపు వేయించాలి, తడి లేకుండా ఉండేందుకు. అంటే కంది పొడి రెడీ.

కంది పచ్చడి

కందిపప్పు - 100 gms
ఎండుమిరపకాయలు - 6
జీలకర్ర - 1tsp
ధనియాలు - 1 tsp
నెయ్యి - 1 tsp
నూనె - tbsp
కరివేపాకు - 1రెబ్బ
చింతపండు - నిమ్మకాయంత

ముందుగా నెయ్యి వేడి చేసి ఎండుమిరపకాయలు, జీలకర్ర, ధనియాలు వేయించి తీసి పక్కన పెట్టి, ఆ తరవాత కంది పప్పును దోరగా కమ్మని వాసన వచ్చేవరకు వేయించి మిగతా వస్తువులతో కలిపి తగినంత ఉప్పు వేసి కొద్దిగా నెలలు చల్లుకుంటూ ముద్దగా రుబ్బుకోవాలి. తర్వాత నూనె వేడి చేసి పోపు గింజలు, కరివేపాకు వేసి చిటపటలాడాక పచ్చడిలో కలపాలి. ఇది వేడి వేడి అన్నం లో నెయ్యి వేసుకుని తింటే రుచిగా ఉంటుంది.

సోయా ఫ్లేక్స్ పకోడి

సోయా ఫ్లేక్స్ 1 కప్పు
ఉడికించిన బంగాళదుంపలు 2
బియ్యం పిండి 2 tsp
సెనగపిండి 2 tsp
అల్లం, వెల్లుల్లి ముద్ద 1 tsp
కారం 1 tsp
ఉప్పు తగినంత
నూనె వేయించడానికి

ఉడికించిన బంగాళదుంపలను, సోయాఫ్లేక్స్‌ని బాగా కలపాలి. తరువాత ఇందులో అల్లం,వెల్లుల్లి ముద్ద, కారం, ఉప్పు, బియ్యం పిండి, సెనగపిండి అన్నీ వేసి ముద్దలా కలపాలి. నూనె కాగిన తర్వాత పకోడీల మాదిరిగా వేయించి తీయాలి. పకోడీల కోసం సోయా ఫ్లేక్స్‌ని నీటిలో నానబెట్టకూడదు. నానబెడితే కరకరలాడవు.