షడ్రుచులు

చికెన్ - 1/2 kg
గోంగూర - 2 cups
అల్లం వెల్లుల్లి - 2 tsp
ఉల్లిపాయలు - 3
కొత్తిమిర - 1/2 cup
చుక్కకూర - 1/2 cup
ఉప్పు - తగినంత
కారం - 2 tsp
పసుపు - చిటికెడు
పచ్చిమిర్చి - 3
గరం మసాలా - 1 tsp
నూనె - 100 gm


చికెన్ శుభ్రంగా కడిగి, ఉప్పు, కారం , పసుపు వేసి కలిపి ఉంచాలి. గోంగూర, చుక్కకూర శుభ్రంగా కడిగి సన్నగా తరగాలి. గోంగూరలో చుక్కకూర కలపడం వల్ల రుచి పెరుగుతుంది. జిగురుగా లేకుండా బాగుంటుంది. కొద్దిగా నీళ్ళు పోసి, మెత్తగా ఉడికించి చల్లారాక మిక్సీలో గ్రైండ్ చేసి పెట్టుకోవాలి. మందపాటి బాణలిలో నూనె వేడి చేసి సన్నగా తరిగిన ఉల్లిపాయలు ఎర్రగా వేయించాలి. అందులో అల్లం వెల్లుల్లి ముద్ద , పసుపు, కారం వేసి కొద్దిగా వేపాలి. తర్వాత చికెన్ ముక్కలు, తగినంత ఉప్పు వేసి బాగ కలియబెట్టి మరి కొద్ది సేపు వేయించాలి. రెండు గ్లాసుల నీళ్ళు పోసి పది నిమిషాలు ఉడికిన తర్వాత గోంగూర ముద్ద వేసి కలిపి మరో పది నిమిషాలు ఉడికించి కొత్తిమిర, గరం మసాలా వేసి కలిపి దింపేయాలి.బిర్యానీలోకి, అన్నంలోకి, రొట్టెలలోకి కూడా ఈ కూర బాగుంటుంది.

చాలా చిన్న ముక్కలుగా కోసిన బోన్‍లెస్ చికెన్ - 1/2 kg
అల్లం వెల్లుల్లి - 2 tsp
సెనగపిండి - 1 cup
కార్న్ ఫ్లోర్ - 1/2 cup
ఉల్లిపాయలు - 1/4 kg
నూనె - వేయించడానికి
పచ్చిమిర్చి - 4
ఉప్పు - తగినంత
జీలకర్ర పొడి - 1 tsp
జీడిపప్పు - 50 gm
వెనిగర్ , లేదా నిమ్మరసం - 1 tsp
కరివేపాకు - 2 tbsp
టొమాటో సాస్ - 1 tsp

చికెన్‍లో ఉప్పు,అల్లంవెల్లుల్లి, వెనిగర్ వేసి ఒక గంట ఉంచాలి. తర్వాత సన్నగా తరిగిన ఉల్లిపాయలు , మిగతా వస్తువులన్నీ కలిపి ౨ త్స్ప్క్ కాగిన నూనె వేసి, నీళ్ళు చిలకరిస్తు గట్టిగా ముద్దలా కలపాలి. బాణలిలో నూనె వేడి చేసి ఈ మిశ్రమాన్ని ముద్దలుగా కాకుండా వేళ్ళతో చిదుముతూ ఉల్ల్లి పకోడీలా వేయించాలి. కరకరలాడే పకోడీ రెడీ.

బోన్‍లెస్ చికెన్ - 1 kg
కోడిగుడ్లు - 2
కార్న్ ఫ్లోర్ - 3 tbsp
మైదా - 3 tsp
ఉప్పు - తగినంత
అల్లం వెల్లుల్లి - 2 tsp
చిల్లీ సాస్ - 1 tsp
సోయా సాస్ - 1/4 tsp
కారం - 1 tsp
మిరియాల పొడి - 1 tsp
ఉల్లికాడలు - 1 cup
కొత్తిమిర - 1/4 cup
కార్న్ ఫ్లోర్ - 1 tbsp
అజినమోటో - చిటికెడు
నూనె - వేయించడానికి

చికెన్ శుభ్రంగా కడిగి నీళ్ళు లేకుండా వంపేసి తడి అరనివ్వాలి. అందులో ఉప్పు, కారం, అల్లం వెల్లుల్లి, మైదా,కార్న్ ఫ్లోర్, కోడిగుడ్డు, కొత్తిమిర వేసి బాగా కలిపి వేడి నూనెలో పకోడీల్లా ఎర్రగా వేయించాలి. తర్వాత వెడల్పాటి బాణలిలో కాని కళాయిలో కాని కొద్దిగా నూనె వేడి చేసి వేయించిన ముక్కలు వేయాలి. అందులో ఒక స్పూన్ చిల్లీ సాస్, మిరియాలపొడి, అజినొమోటో, సోయా సాస్ వేసి బాగా కలిపి కప్పుడు నీళ్ళలో కలిపిన కార్న్ ఫ్లోర్ మిశ్రమాన్ని వేసి ఉండలు కట్టకుండా కలపాలి. చివరగా సన్నగా తరిగిన ఉల్లికాడలు వేసి ౨ నిమిషాలు ఉడికించి దింపేయాలి.

చికెన్ - 1 kg
ఉల్లిపాయలు - 4
అల్లం వెల్లుల్లి - 2 tbsp
పసుపు - 1/4 tsp
మిరియాల పొడి - 1 tbsp
వినెగర్ - 1 tsp
ఉప్పు - తగినంత
నూనె - 100 gm

చికెన్ ముక్కలకు ఉప్పు, మిరియాలపొడి, అల్లం వెల్లుల్లి, పసుపు, వెనిగర్ పట్టించి కనీసం ౨-౩ గంటలు నాననివ్వాలి. ఉల్లిపాయలు ముద్దగా నూరి పెట్టుకోవాలి. మందపాటి బాణలిలో నూనె వేడి చేసి ఉల్లిముద్ద వేసి బంగారు రంగు వచ్చేవరకు వేయించాలి. తర్వాత నానబెట్టిన చికెన్ ముక్కలు వేసి బాగా కలిపి మూత బెట్టాలి. అర కప్పు నీళ్ళు పోసి కలిపి నీరంతా ఇగిరి నూనె తేలేవరకు నిదానంగా ఉడికించాలి.

చికెన్ - 1 kg
కారం - 2 tsp
అల్లం వెల్లుల్లి - 2 tbsp
జీలకర్ర పొడి - 1 tsp
ధనియాల పొడి - 2 tbsp
నిమ్మకాయలు - 4
పచ్చిమిర్చి - 6
కరివేపాకు - 2 tbsp
ఉప్పు - తగినంత

తాలింపు కోసం :

జీలకర్ర - 1 tsp
ఆవాలు - 1 tsp
మెంతులు - 1/4 tsp
నూనె - 100 gm
ఎండుమిర్చి - 4

చికెన్ ముక్కలు శుభ్రంగా కడిగి నీళ్ళు లేకుండా వంపి తడి ఆరనివ్వాలి . ఒక గిన్నెలో చికెన్ ముక్కలు, ఉప్పు ,కారం, అల్లం వెల్లుల్లి, ధనియాలపొడి,జీలకర్ర పొడి, పచ్చిమిర్చి, కరివేపాకు, అన్నీ వేసి ఓ గంట సేపు నాననివ్వాలి. విడిగా మరో బాణలిలో నూనె వేసి కాగాక తాలింపు దినుసులన్నీ వేసి చిటపటలాడాక చికెన్ ముక్కలు మసాలాతో సహా వేసి కలియబెట్టి నిదానంగా ఉడికించాలి. మధ్యలో కలుపుతూ ఉండాలి. అవసరమైతే కొద్దిగా నీళ్ళు చిలకరించుకోవాలి.

చికెన్ - 1 kg
మెంతి ఆకులు - 1 cup
ఉల్లిపాయలు - 3
పచ్చిమిర్చి - 5
అల్లంవెల్లుల్లి ముద్ద - 2 tbsp
కారం - 2 tsp
గరం మసాలా - 1 tsp
పసుపు - 1/4 tsp
టొమాటోలు - 1/4 kg
నూనె - 100gm


ఒక మందపాటి బాణలిలో నూనె వేడి చేసి సన్నగా తరిగిన ఉల్లిపాయలు వేసి కాస్త మెత్తబడ్డాక నిలువుగా తరిగిన పచ్చిమిర్చి, అల్లం వెల్లుల్లి ముద్ద, పసుపు వేసి వేయించాలి. తర్వాత తరిగిన మెంతి ఆకులు, కారం వేసి మరి కొద్ది సేపు వేపి చికెన్ ముక్కలు, తగినంత ఉప్పు వేసి బాగా కలియబెట్టి మూత పెట్టాలి. నీరంతా ఇగిరిపోయాక సన్నగా తరిగిన టొమాటో ముక్కలు, గరం మసాలా పొడి వేసి కలిపి సరిపడా నీళ్ళు పోసి నూనె తేలే వరకు ఉడికించాలి.

పచ్చికొబ్బరి తురుము - 3 కప్పులు
బియ్యం పిండి - 2 కప్పులు
బెల్లం - 2 కప్పులు
పంచదార - 5 చెంచాలు
యాలకుల పొడి - 2 చెంచాలు
నెయ్యి - 4 చెంచాలు
జీడిపప్పు పలుకులు - అర కప్పు



ముందుగా బాణలిలో నెయ్యి వేడి చేసి, అందులో కొబ్బరిని కొంచెం వేయించి,
అందులో బెల్లం కలిపి ఉడకనివ్వాలి.జీడిపప్పు పలుకులను కూడా వేసి
మాడకుండా కలుపుతూ ముద్దగా అయ్యేవరకు ఉడికించాలి. తర్వాత
దింపేయాలి. ఒక వెడల్పాటి గిన్నె తీసుకుని పంచదార, యాలకులపొడి,
నెయ్యి వేసి అరకప్పు నీళ్ళు పోసి బాగా మరిగించాలి. దింపేసి అందులో
బియ్యం పిండీని పోసి ఉండలు లేకుండా బాగా కలపాలి. ఈ మిశ్రమం గట్టిగా
ఉండాలి. పలుచగా ఉంటే కొంచెం పిండిని వేసి కలపవచ్చు. కొబ్బరి
మిశ్రమాన్ని చిన్న చిన్న ఉండలుగా చేసి ఉంచుకోవాలి. బియ్య్యం పిండిని
కాస్త పెద్ద ఉండను తీసుకుని వెడల్పుగా తట్టి, దాని మధ్యలో కొబ్బరి
ఉండను పెట్టి మూసేసి కావల్సిన ఆకారంలో చేసుకోవచ్చు. కావాలంటే
బియ్యం పిండిలో కేసరి రంగును కాని, కుంకుమపువ్వు కాని వేసుకోవచ్చు.

అటుకులు - 2 కప్పులు
బెల్లం - 1 1/2 కప్పు
నెయ్యి - 5 చెంచాలు
యాలకుల పొడి - 2 చెంచాలు
పాలు - అరకప్పు

ముందుగా ఒక మూకుడు తీసుకుని, అందులో నెయ్యి వేసి వేడి చేసి అటుకులను
వేయించాలి. బెల్లం సన్నగా తరగాలి. అందులో యాలకుల పొడి వేసి ఈ మిశ్రమాన్ని
గ్రైండ్ చేయాలి. దీనిని ఒక గిన్నెలోకి తీసుకుని పాలు వేడి చేసి కొంచెం కొంచెంగా
చల్లుకుంటూ ఉండలు చేయాలి. ఇవి మంచి రుచిగా ఉంటాయి. తొందరగా తయారు
చేయవచ్చు